लगा ला माय चरण अप्पन

लगा ला माय  चरण अप्पन

लगा ला माय  चरण अप्पन

हम्मर उद्धार हो जइतइ ।

किरपा कर दा मइया हमरा पर

त बेरा पार हो जइतइ ।

जग जननी जगदंबा

शक्ति के दाता मइया तू

नजरिया फेर हमरा पर

जीवन उजियार हो जइतइ

लगा ला माय...............।

हइ जगत के पालिका मइया

प्रलय क्षण में करे  मइया

अगर चाहे तू मइया तऽ

जगत विस्तार हो जइतइ

लगा ला माय...............।

ज्ञान के देवी तू ही हा

बचन के शुद्धि करता तू

दया कर मइया हमरा पर

चकमक संसार हो जइतइ

लगा ला माय...............।

तू ही मइया मायाधारी 

तू ही हऽ लक्ष्मी लीलाधारी 

अकेला आश तोरे पर 

जे तोहर दीदार हो जइतइ

लगा ला माय  चरण अप्पन

हम्मर उद्धार हो जइतइ ।

 आचार्य गोपाल जी उर्फ आजाद अकेला बरबीघा वाले